Wie sind mr entstande, was het uns dozue gritte en Cligge welle z Gründe?
Das alles uns vyyli wyyteri Informatione finisch sicherlich.

De Ahhfangg

Wie alles was erfunde worde isch in de Letschte 100 Joor, het alles ahgfange mittere Schnappsidee noch mehre gsprützte Waggis an de Fasnacht 2016 zobigs im Volkshuus am Claraplatz.

 

Gepostet von Die Bornöse am Montag, 7. März 2016

Ahfangs wo mir drübber gredet hen e Cligge z Gründe sind mir um die 14 Kolleginne und Kollege gseh. Bi allne isch Interesse gross dra gseh das Projeggt vorwärts z bringe. Ziel ischs gseh noch de Fasnacht sich nomol nüchtern alli zämme setzte und übers wyytere Vorgehe z bespräche.

S erschte Träffe noch de Fasnacht 17

„Noch de Fasnacht isch vor de Fasnacht“ seit meh jä bekanntlich. So hen mr uns knapp ai Monet noch de Basler Fasnacht bim hüttige Kassier dahei z Breitebach (Im Schwarzbuebeland) troffe und nüchtern yyber die Sach gredet und unser Wyyteres vorgehe gedangge gmacht.
Jede vo de damalige ahwessende het e uffgob bechoo um Informatione yy z hole.

Die erschte Entwürf

Mir hen mit de Frau Le Thanh Lanicca e sehr e gueti Schnyydern us Fränkedorf derfe kennelerne. Mir hen uns am em Nomidagg bi Ihre z Frenkedorf troffe und Ihre unseri Vorstellig vom Koschtüm erzählt. D Frau Le Thanh het mit freud sich Notize gmacht und au Ihre Input dezue geh. Unseri Farbuswahl isch zwar gwagt gseh aber mir hen welle aus usserordentliches was nit grad Jede het. Es paar Dääg spöter sind scho die erschte Skizze bi uns gseh.

Mir hen uns sofort dafür entschiede es isch genau das gseh wie mir es uns als Cligge vrgstellt hen.

D Johre 2017-2018

Leider sind uns einigi Kolleg/-inne wieder abgsprunge mit de Vrschiedenschte Begründige das mr in reschte vom Johr 2016 nume no zu 4 gseh sind. D Mitglyyder Suechi nach Wyytere Lüt isch nit aifach gseh abr mir hen de sicherlich ahfangs 2017 zwai wyyteri dezue könne gwinne. Mit dem Fabian und em Sascha hen mr die Perfekti Gruppe zämme gschlosse.

S Johr 2017 isch als Cligge Recht ruhig gseh nur bi uns allne isch Beruflich und Privat drunter und drüber gange so das mr uns bschlosse hen s Joor 2017 vorzeitig z Beende und d Fasnacht uff de Syyte ligge loo.

s 2018 het mit guete Vorsätz bi uns guet ahgfange. Mir hän am 4. Meerze Offiziell unseri Gründig bschlosse und schriftlich hinterleit. Es isch en Vorstand gstellt worde und die erschte Statute sind durch die damals Ahwesende Gründigspersone genehmigt worde. Folgendi Persone sind dazu mols do gseh

Nach de Gründigsvrsammlig sind au bi de Frau Le Thanh endgültig die erschte Koschdyym bstellt worde. Wo die erschte Koschdyym fertig gseh sind het uns numme no d Larve gfählt. Abr au do hen mr durch en ehemalige Fründ vo uns hilf becho. Er het uns s Atelier Käschperli empfohle. Wie au bi de Frau Le Thanh hen mr au em Dani unseri Idee gseit und kurzi Zyyt spööter het er uns die erschte Ton forme per Fotii zue cho loo

 

Mir freue uns scho uf unseri tolli Bornösi larve ??

Gepostet von Die Bornöse am Sonntag, 1. Juli 2018

 

und es paar Wuche spööter sind de au unseri Larve endligg Fertig gseh und yysatzt bereit fürd die erschti Fasnacht 2019 gseh.

 

Fertiig ! Hammer ??

Gepostet von Die Bornöse am Donnerstag, 24. Januar 2019

 

S erschte mol Fasnachts

S erschte mol Fasnacht, mr glaube mir sage nüt dezue und löhn euch d Fottene dure luege.

Gallery